Sport • 14 Tamyz, 2021

Dzıýdo federasııasy sportshylarǵa syıaqy tabystady

54 ret kórsetildi

Búgin Nur-Sultan jáne Almaty qalalarynda dzıýdodan Olımpıada, álem jáne Azııa chempıonattynyń júldegerlerin marapattaý rásimi ótti, dep jazady Egemen.kz UOK baspasóz qyzmetine silteme jasap.

Elordada Federasııa prezıdenti Qaırat Qojamjarov HHHII jazǵy Olımpıada oıyndarynyń qola júldegeri dzıýdoshy Eldos Smetovke 5 mln teńgeniń sertıfıkatyn tabystady.

«Biz búgin jyldyń eń mańyzdy dodasy sanalǵan Olımpıada oıyndaryn qorytyndylap otyrmyz. Tokıo tórinde bizdiń maqtanyshymyz, ójet Eldos óte nátıjeli kúres kórsetip, el qorjynyna qola medalin saldy. Bul biz úshin, Qazaqstan dzıýdosy úshin tarıhı júlde bolyp sanalady. Eldos dzıýdodn Olımpıada oıyndarynyń eki dúrkin júldegeri atanǵan tuńǵysh qazaqstandyq sportshy. Usaq jaraqattaryna qaramastan óziniń álemdik dárejedegi myqty sportshy ekenin taǵy bir ret dáleldedi», dedi Qazaqstan dzıýdo federasııasynyń prezıdenti Qaırat Qojamjarov.

1

О́z kezeginde federasııa prezıdenti dzıýdodan ulttyq qurama músheleriniń jyldyń mańyzdy dodalarynan júldesiz qaıtpaǵanyn tilge tıek etti.

«Qazaqstan dzıýdosy úshin bıylǵy jyldy jaman boldy deýge bolmaıdy. Pandemııaǵa jáne kezdesken qıyndyqtar men shekteýlerge qaramastan ulttyq qurama sportshylary qatysqan mańyzdy jarystardan júldesiz oralǵan joq. Máselen, álem chempıonatynan Ǵusman Qyrǵyzbaevtyń kúmis júldesin, Eldos Jumaqanovtyń Azııa chempıonatyndaǵy qola júldesin aıtýǵa bolady. Qyzdarymyz da bıyl júldeden qalys qalǵan joq. Abıba Abýjaqynova áıelder arasynda Azııa chempıonatynyń kúmis júldesin ıelense, Sevara Nıshanbaeva qola medaldi utyp alyp, úzdik úshtikke endi», dedi ol.

Qazaqstan dzıýdo federasııasynyń prezıdenti Qaırat Qojamjarovtyń muryndyq bolýymen saltanatty shara Almatyda jalǵasyn tapty. 2021 jylǵy álem chempıonatynyń kúmis júldegeri Ǵusman Qyrǵyzbaevqa 4 mln teńge, Azııa chempıonatynyń júldegerleri Abıba Abýjaqynova (kúmis) men Eldos Jumaqanovqa (qola) – 500 myń teńge, qurlyqtyq birinshiliktiń qola júldegeri Sevara Nıshanbaeva 300 myń teńge kóleminde syıaqy taǵaıyndaldy. Almaty qalasynda jalǵasyn tapqan saltanatty sharada sertıfıkattardy sportshylarǵa Qazaqstan dzıýdo federasııasynyń bas hatshysy Ashat Jıtkeev tabystady.

2

Sonymen qatar, syıaqyǵa ulttyq qurama bas bapkeri, sportshynyń jeke jattyqtyrýshylary men ǵylymı-keshendi top ókilderi de ıe boldy.

Atap aıtqanda, dzıýdodan Qazaqstan erler ulttyq qurama komandasynyń bas bapkeri jáne Tokıo Olımpıadasynyń qola júldegeri Eldos Smetovtyń jeke jattyqtyrýshysy Ǵalymjan Jylgeldıevke – 1 mln teńge, Ulttyq quramanyń aǵa jattyqtyrýshysy Qalen Qalıuly men álem chempıonatynyń kúmis júldegeri Ǵusman Qyrǵyzbaevtyń jek ejattyqtyrýshysy Ermek Nasıevke – 500 myń teńge, Ulttyq qurama dárigeri Talǵat Abdymamynovqa 500 myń teńge jáne qurama massajısti Baǵlan Qalıbekov 300 myń teńge kóleminde syıaqynyń sertıfıkatymen marapattaldy.

«Búgin marapatqa ıe bolǵan barlyq sportshylardyń atynan Qazaqstan dzıýdo federasııasyna alǵys aıtqym keledi. Tek qana resmı saltanatty sharalarda ǵana emes,  tatamıge shyǵarda, kez kelgen jarysqa daıyndyq barysynda biz dál osyndaı qoldaýdyń baryn sezemiz. Bizge artylǵan úmitti, senimdi aqtaý úshin eshqashan aıanyp qalmaımyz!

Álemdik arenada el namysyn abyroımen qorǵaý - bizdiń, sportshylardyń Otan aldyndaǵy paryzy. Al dál osyndaı qoldaý men senimniń arqasynda biz jigerlenip, boryshymyzdy adal óteýge barymyzdy salamyz. Kók týymyzdyń kókte jelbiretip, el mereıin ústem etý – bizge rýh berip, jigerlendiredi», dedi dzıýdodan Tokıo Olımpıadasynyń qola júldegeri Eldos Smetov.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar