Buıryqqa sáıkes, federasııanyń bas bapkeri Asıf Mamedov pen bas hatshy Rızvan Rasýlov qyzmetinen bosatyldy. Basshylyqtyń birneshe ret jasaǵan eskertýine qaramastan, qyzmetkerler óz jumysyn durys atqarmaǵan.
Federasııa qyzmetkerleriniń jaýapsyzdyq tanytýy, antıdopıng erejelerine baǵynbaýy saldarynan Halyqaralyq aýyr atletıka federasııasy aıtarlyqtaı aıyppul sanksııasyn salǵan. Tek sońǵy kezeńniń ózinde ázerbaıjandyq aýyr atletter alty ret dopıng paıdalanǵan.
«Qoldanylǵan sharalar oń nátıje bergen joq. Osyǵan baılanysty Aýyr atletıka federasııasyn tolyqtaı qaıta qurý týraly sheshim qabyldandy. Bul ózgerister bolashaqta jaqsy nátıje kórsetedi dep úmittenemiz», dedi Djahangır Askerov.
Onyń aıtýynsha, qyrkúıektiń sońyna deıin federasııanyń jańa bapkeri men bas hatshy taǵaıyndalady.
