Ortalyq taratqan málimetterge súıensek, Ulttyq testileý ortalyǵy testileýdi tapsyrý kezinde anyqtalǵan zańbuzýshylyqtar jóninde únemi habardar etip otyrady. Bul jerde bógde tulǵalardy anyqtaý, sondaı-aq tyıym salynǵan zattardy alyp kirýge talpyný jáne olardy paıdalaný týraly aıtylyp otyr. Ereje buzylǵan jaǵdaıda, aqparat avtomatty túrde, Ortalyq mınıstrliktiń kelisiminsiz, odan ári qaraý úshin quqyq qorǵaý organdaryna tapsyrylady. Osy rette UTO oqýǵa túsýshilerdiń bilim alǵan mektebi, onyń ishinde olardyń ata-analary týraly málimetterdi anyqtamaıdy. Bul UBT ótkizý erejelerine ózgerister engizilgennen keıin eki jyldan beri júzege asyrylyp kele jatqan mańyzdy jumys.
О́tken jyly osy normany qabyldap, beınejazbalardy alǵash ret qarastyrǵan soń taǵaıyndalyp qoıǵan granttardyń kúshi jaramsyz bolyp tanyldy. Bıyl da beınejazbalardy teksergennen keıin 19 talapkerdiń nátıjesi joıyldy.
«UBT aıaqtalyp, granttar taǵaıyndalǵannan keıin de Ulttyq testileý ortalyǵynyń qyzmetkerleri talapkerlerdiń qatysýymen beınejazbalardy baqylaıdy. Birinshi kezekte, 100-den astam ball jınaǵan testilenýshilerdiń beınejazbalary tekseriledi. Ári qaraı basqa da jaǵdaılar qarastyrylady. Bul baǵyttaǵy jumys odan ári jalǵasatyn bolady», delingen habarlamada.
