«Dúısenbi kúni tańerteń Fatıma Masýme hramynyń janyndaǵy Gýmadaǵy Astana alańyna aýǵan áıelderiniń bir toby jınalyp, «Talıbanǵa» narazylyq bildirdi», delingen agenttiktiń habarlamasynda.
Sońǵy aptalarda Aýǵanstandaǵy jaǵdaı tym shıelenise tústi, «Talıban» iri qalalarǵa shabýyl jasady. Sodyrlar Kabýlǵa kirip, prezıdent saraıyn baqylaýǵa alǵanyn málimdedi. Aýǵanstan Prezıdenti Ashraf Ǵanı «qyrǵynnyń aldyn alý úshin» elden ketkenin aıtty.
Dúısenbige qaraǵan túni «Talıban» saıası keńsesiniń resmı ókili Muhammed Naım Aýǵanstandaǵy soǵys aıaqtalǵanyn jáne memlekettegi basqarý formasy jaqyn arada naqtylanatynyn aıtty.
