Bilim • 16 Tamyz, 2021

Qazaqstandyq oqýshy halyqaralyq olımpıadadan altyn medal aldy

106 ret kórsetildi

 

Aqtóbedegi NIS mektebiniń túlegi Rústam Valeev Túrkııada ótken halyqaralyq Olımpıadanyń altyn medalin jeńip aldy  dep habarlaıdy Egemen.kz.

Onlaın rejımde ótken zııatkerlik saıysyna dúnıe júziniń46 memleketinen bilim básekesine túsken 200 jas geograf  mýltımedıalyq testileý jáne  kartografııalyq  beıneleý tapsyrmalaryn oryndaǵan bolatyn. Oǵan qazaqstandyq 4 oqýshy qatysty. Nátıjesinde  elimizdiń Ulttyq  qurama komandasy 1 altyn, 1 kúmis jáne 1 qola medal ıelendi. Altyn medalǵa qol jetkizgen Rústam Valeev «IGEO –2021» bilim básekesiniń jeńimpazy atandy.

  Halyqaralyq geografııalyq odaq (IGO) jetekshiligimen ótkizilip kele jatqan mektep oqýshylarynyń arasyndaǵy halyqaralyq Olımpıada tuńǵysh ret 1996 jyly Gaaga qalasynan bastaý aldy. Sodan beri  jas bilimpazdardyń  arasyndaǵy bilim saıysy jyl saıyn álemniń ár túrli memleketinde ótkizilip keledi.  Kishkentaıynan geografııa pánine erekshe qyzyǵýshylyq tanytyp kele jatqan Rústam halyqaralyq bilim báıgesine qatysýdan birshama tájirıbe jınap, ótken jyldary respýblıkalyq pándik Olımpıadanyń úsh dúrkin jeńimpazy atandy. 2019 jyly IESO Halyqaralyq olımpıadasynyń qola medaline qol jetkizse, bıylǵy jyldyń maýsymynda mektep oqýshylary arasynda ótken  Eýropalyq olımpıadanyń kúmis júldesin de  ıelendi.

Aqtóbe qalasyndaǵy Nazarbaev zııatkerlik mektebiniń bıylǵy jylǵy túlegi  Rústam Valeev eldiń dańqyn shyǵarǵan jetistikke jetkeni úshin ustazdary men ata-anasyna alǵysy sheksiz. Ol halyqaralyq saıystarda jınaǵan tájirıbesin óz mektebiniń oqýshylarymen qýana bólisýge ázir.  Aldaǵy ýaqytta elimizdiń bilim salasyndanaǵyz úzdik oqýshylardyń kóbeıýine yqpal etkisi keledi.

Sońǵy jańalyqtar

Instagram balalar qaýipsizdigin kúsheıtedi

Mýltımedıa • Búgin, 17:32

Bapker: Konor jekpe-jekti saǵynyp júr

Jekpe-jek • Búgin, 15:53

Aqyly joldarda qandaı jeńildikter bar?

Aımaqtar • Búgin, 15:22

Jańa salmaq jańa múmkindik pe?

Boks • Búgin, 12:07

Uqsas jańalyqtar