Uńǵylaý jumystaryn júrgizip jatqan eki kenshi jarylys tolqynynyń astynda qalyp, bir jumysshy oqıǵa orynda qaza taýyp, ekinshi kenshi jaraqat aldy.
Jarylys kezinde zardap shekken kenshige alǵashqy medısınalyq kómek kórsetilip, dereý Hromtaý qalasynyń aýdandyq aýrýhanasyna jetkizildi. «Qazhrom» TUK» AQ-nyń baspasóz qyzmetiniń habarlaýynsha, tótenshe oqıǵa jóninde memlekettik organdarǵa habarlma jiberilgen.
Qazir osy oqıǵaǵa baılanysty qylmystyq is qozǵaldy.
Jarylysqa ákelgen sebepter týraly ázir belgisiz. Dóń ken baıytý kombınatyndaǵy «Qazaqstan Táýelsizdiginiń 30 jyldyǵy» atyndaǵy shahtadaǵy tótenshe jaǵdaı jóninde quzyrly memlekettik organdar ázirge aqparat bergen joq.
