Tazalyq aksııasy alǵashynda sonaý Saýyr taýdyń eteginen, Zaısan aýdanynan bastaý alǵan. Uıymdastyrýshylardyń aıtýynsha, ıgi sharaǵa Ertistiń boıyndaǵy turǵyndar qatysady.
– «Bir ózen – bir taǵdyr» halyqaralyq aksııasy Ertis ózeni aǵyp ótetin aýdandar úshin uıymdastyrylyp otyr. Qazirgi tańda Pavlodar oblysy jáne Reseı Federasııasyndaǵy áriptesterimizben kelisip jatyrmyz. О́zimiz О́skemendegi Ertistiń boıyn barynsha tazalap júrmiz. Qala turǵyndaryn da tazalyq sharasyna atsalysýǵa shaqyramyz, – dedi oblystyq jastar resýrstyq ortalyǵynyń basshysy Araılym Esimbekova.
Aksııa aıasynda ózen jaǵasyna jınalyp qalǵan qoqystar tazartyldy. О́kinishtisi, demalýǵa barǵan azamattardyń qorshaǵan ortaǵa salǵyrt qaraıdy. Búgingi kúnmen ǵana ómir súretindeı bolyp kórinedi. Mysaly, plastık bótelke, polıetılen dorba júzdegen jyl shirimeıdi, shirigenniń ózinde zııandy zat bóledi. Keshegi ótken babalarmyz amanattaǵan jerdi erteńgi urpaqqa tap-taza qalpy qaldyra almasaq, adamı qasıetten alystap ketkenimiz emes pe?!
– Qoqys aspannan túspeıdi, mádenıeti, óresi tómen turǵyndar shashady. Al tabıǵat janashyrlary jınaıdy. Osyǵan baılanysty О́skemen qalasynyń máslıhat depýtattary bul problemany qolǵa aldy. Iаǵnı tabıǵat aıasynda qoqys shashqan azamattarǵa aıyppul salý máselesi qaralýda, – dedi A.Esimbekova.
О́zen boıyn tazalaýǵa erikti jastar bir kisideı kiristi. Kóńildi toptar áp-sátte at shaptyrymdaı aýmaqty muntazdaı etti. Osydan bylaı qoqysyn kóringen jerge tastaı salatyn turǵyndar tym bolmaǵanda eriktilerdiń eńbegin eskerip, jınaqy júretin shyǵar. Endi eriktiler, Birgemiz: Taza Álem volonterlik baǵytyn damytýdy kózdep otyr.
О́skemen qalasy Jastar resýrstyq ortalyǵynyń uıymdastyrýymen ótken sharaǵa «Kazsınk» JShS-niń belsendi jastary, «ÚMZ» AQ janyndaǵy jastar qozǵalysynyń músheleri, «Áskerı-tehnıkalyq mektebiniń» kýrsanttary jáne О́skemen JEO bastamashyl toby qatysty.
Shyǵys Qazaqstan oblysy
