2021 jylǵy 1 tamyzdaǵy jaǵdaı boıynsha jumysynan aıyrylý merziminde tólenetin áleýmettik tólemder 77,9 myń adamǵa taǵaıyndaldy. Bıyl alǵash ret memlekettik áleýmettik saqtandyrý qorynan jumysynan aıyrylý boıynsha tólemder 52 myń azamatqa taǵaıyndalǵany atap ótildi.
Jumystan bosatylǵan qyzmetkerler bir aıdan alty aıǵa deıingi kezeń ishinde jumysynan aırylǵan kezde áleýmettik tólemder ala alady. Jumysynan aırylǵandarǵa MÁSQ qarajaty esebinen joǵalǵan tabystyń 40 paıyzyna deıingi mólsherde soma tólenedi.
Áleýmettik tólemder alý úshin jumystan bosatylǵan qyzmetker:
- eGov.kz portalynda avtorlaný;
- «jumysqa ornalastyrý jáne jumyspen qamtý» bóliminde «jumys izdep júrgen adamdardy tirkeý» qyzmetin tańdaý;
- barlyq talaptardy toltyryp, qyzmetke onlaın tapsyrys berý jáne ESQ-men qol qoıý arqyly ótinimdi jiberý kajet;
Bir kún ishinde ótinish berýshiniń turǵylyqty jeri boıynsha jumyspen qamtý ortalyǵy bos jumys oryndaryn usynady. Eger jumys tabylmasa, 3 kún ishinde qashyqtyqtan jumyssyz mártebesi beriledi (qajet bolǵan jaǵdaıda qosymsha aqparat jınaý úshin ótinish berýshimen HJQO qyzmetkeri habarlasady).
Sondaı-aq qyzmetti enbek.kz elektrondyq eńbek bırjasy arqyly alýǵa bolady.
Eger adam júıede jumyssyz retinde tirkelgen bolsa, onda oǵan proaktıvti formatta MÁSQ-dan tólem taǵaıyndalǵanyn rastaý úshin SMS joldanady.
