«Sońǵy on kúnde vaksına saldyrý dınamıkasy jaqsarǵanyna qaramastan, aýdandardaǵy kórsetkish áli de tómen. Atap aıtqanda, Jylyoı aýdanynda – 19,5, Maqatta – 28,2, Isataıda – 36,2, Qyzylqoǵa aýdanynda turǵyndardyń 36,5 paıyzy vaksına aldy. Sol sebepten, osy máselege qatysty ahýaldy tikeleı óz baqylaýymda ustaımyn», deıdi Mahambet Dosmuhambetov.
Oblystyq densaýlyq saqtaý basqarmasynyń basshysy Ashan Baıdýálıevtyń aıtýynsha, 16 tamyzda ınfeksııalyq stasıonarlardyń jansaqtaý bóliminde 87 naýqas jatqan. Onyń ishinde 15 pasıent ókpeni jasandy jeldetý apparatyna qosylǵan.
Mahambet Dosmuhambetov turǵyndar arasynda túsindirý jumysyn jandandyryp, vaksınadan bas tartý sebepterin anyqtaýdy tapsyrdy.
«Vaksına almaǵan adamdar qaýip aımaǵynda bolady. Eger biz adamdardan aıyrylǵymyz kelmese, ádettegi ómir yrǵaǵyna oralýdy qalasaq, múmkindiginshe kóp adam ekpe alýy kerek. Sondyqtan vaksına saldyrýdy keıinge qaldyrmaǵan jón», dedi oblys ákimi.
