Qyrǵyzstanǵa reseılik Spýtnık V, eýropalyq AstraZeneka, qytaılyq Sınofarm jáne qazaqstandyq QazVac vaksınalary jetkizildi. Eń keń taraǵany jáne qoljetimdisi – Sınofarm preparaty. Ony tipti áýejaıǵa ushyp kelgende saldyrýǵa bolady. Qyrǵystan 56 jaýyngerde qatty janama áseri baıqalǵannan keıin AstraZenekany qoldanýdy ýaqytsha toqtatty. QazVac tekserýdiń sońǵy satysynan ótip jatyr.
«Bizdiń dári-dármekter departamenti usynylǵan barlyq qujatty qarastyryp jatyr jáne jetispeı jatqan qujattardy suratyp úlgerdik. Sondaı-aq bul vaksınany sarapshylardyń táýelsiz komıteti de tekserýde, tıisti nusqaýlar alǵannan keıin birden qoldana bastaımyz», dedi respýblıkalyq ımmýnoprofılaktıka ortalyǵynyń dırektory Gúlbara Ishenapysova.
Qazaqstanda shyǵarylǵan vaksınanyń 25 myń danasy Qyrǵyzstanǵa qaıyrymdylyq kómek retinde shilde aıynyń basynda jetkizildi. Onyń jaramdyq merzimi – 6 aı. Densaýlyq saqtaý mınıstrliginiń ózi ony tezirek qoldanýǵa múddeli.
