«Mınıstrlik Aqtóbe oblysyn damytýdyń 2021-2025 jyldarǵa arnalǵan keshendi josparynyń jobasyn maquldady. Keshendi jospar jobasynda 2 densaýlyq saqtaý obektisin salý, keminde 25 mekemeni kúrdeli jóndeý jumystarynan ótkizý, sondaı-aq óńirdiń densaýlyq saqtaý uıymdaryn jaraqtandyrý kózdelgen. Keshendi jospar jobasynda respýblıkalyq deńgeıde 350 tósektik «Aqtóbe qalasynda kópbeıindi aýrýhana salý jáne paıdalaný» memlekettik-jekeshelik áriptestik jobasyn iske asyrý josparlanǵan», dedi Alekseı Soı Úkimet otyrysynda.
Jobany iske asyrý úshin Ellington Properties LLP túrik Rönesans Holding kompanııasymen birlesip RenEll kompanııasyn qurdy.
«Joba qoldanystaǵy jáne eskirgen jedel medısınalyq járdem aýrýhanasynyń ornyna qarastyrylǵan, qurylys kezeńinde 700 jumys ornyn jáne paıdalaný kezeńinde 600 jumys ornyn qurý josparlanýda», dedi mınıstr.
