Álem • 18 Tamyz, 2021

Koronavırýs: Álemdegi epıdahýal qandaı?

178 ret kórsetildi

Ýkraınada bir táýlikte COVID-19 juqtyrý boıynsha rekordtyq kórsetkish tirkeldi, dep habarlaıdy Egemen.kz.

Brazılııada 20,5 mıllıonǵa jýyq adam koronavırýs juqtyrdy. Qaıtys bolǵandardyń jalpy sany 570 000-nan asty. О́tken táýlikte SARS-CoV-2 aýrýynyń 37 613 jaǵdaıy tirkeldi. Maýsym aıynda Brazılııanyń sanıtarlyq qadaǵalaý jónindegi ulttyq agenttigi «Spýtnık V» vaksınasyn ákelýdi jáne shuǵyl qoldanýdy maquldady.

Ýkraına sońǵy eki aıda KVI juqtyrýdyń rekordyn jańartty. Elde bir táýlikte COVID-19 juqtyrý boıynsha rekordtyq kórsetkish tirkeldi. 24 saǵat ishinde koronavırýstyq ınfeksııanyń 1 447 jaǵdaıy rastaldy, naýqastar arasynda – 104 bala jáne 38 dáriger bar, bir táýlikte 40 adam qaıtys boldy. Bul 10 maýsymnan bergi eń joǵary kórsetkish, ol kezde 1 603 adam aýyrǵan. Ýkraınada indet bastalǵannan beri 2 268 666 COVID-19 jaǵdaıy rastaldy.

AQSh-ta koronavırýstyq ınfeksııany juqtyrý kórsetkishi kúnnen kúnge artýda. Bılik COVID-19 jańa tolqynyn jarııalady jáne ony «Delta» shtamynyń taralýymen baılanystyrdy. Anyqtalǵan jaǵdaılardyń táýliktik sany 130 myńnan asty. О́tken aptadaǵy indetke shaldyǵýshylardyń sany 900 myńnan asady. Sonymen qatar aýrýhanaǵa jatqyzylǵan balalar sany da ósip keledi. Osyǵan oraı, Aq úı qaıtalama vaksına alý merzimin belgiledi. Vaksınanyń úshinshi dozasyn 8 aıdan keıin alýǵa bolady.

Balkan Kosovo Respýblıkasy barlardyń jumys ýaqytyn shektedi jáne túngi klýbtardyń jumysyna tyıym saldy. 20 tamyzdan 1 qyrkúıekke deıin meıramhanalar men kafeler saǵat 22:30-da jabylady, kelýshilerdi tek vaksınasııa sertıfıkaty usynylǵan kezde qabyldaı alady. Toı qonaqtarynyń eń kóp sany 300-den 150 adamǵa deıin shektelgen. Buryn mundaı sharalar Soltústik Makedonııada engizilgen bolatyn.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar