О́tken jyldan beri Qyzylorda oblysynda 13 826 adam koronavırýs juqtyrdy. Búgingi tańda olardyń 80 paıyzy emdelip shyqty. Al pnevmonııamen syrqattanǵan 1 950 naýqastyń 1 670-i (85,6%) emdeldi. Bıylǵy jyldyń maýsym-shilde aılarynda ınfeksııalyq oryn 585-ten 2 340-qa, reanımasııalyq tósek oryn 90-nan 172-ge deıin kóbeıtildi.
Qazirgi tańda 1 860 ınfeksııalyq oryn naýqastardyń paıdalanýynda. Onyń ishinde reanımasııalyq tósek oryn - 157. Qazirgi júkteme 65 paıyzǵa jetken. Rezerv oryndarynyń sanyn qosqanda 3 200 oryn ázirlendi. Onyń 518-i ortalyqtandyrylǵan ottegimen jabdyqtalǵan.
«Jaqynda modýldik stasıonar iske qosylyp, 10 tamyzdan bastap naýqastardy qabyldaýda. Stasıonarda qajetti dári-dármekterdiń qory qalyptasqan. Koronavırýs ınfeksııasyna qarsy kúres jumystaryna qajetti medısınalyq kadrlar men qural jabdyqtar jetkilikti», dedi oblystyq densaýlyq saqtaý basqarmasy basshysynyń orynbasary Jangeldi Shaıymbetov.
О́ńirde 11 PTR apparaty iske qosylǵan. Táýligine 1 300-1 500 aralyǵynda synama alynady. Qajettilik týyndaǵan jaǵdaıda zertteý sanyn 3 500-ge deıin jetkizýge múmkindik bar.
