Aıta keteıik, atalǵan aýdanda uzaq jyldar boıy turǵyn úıler qazandyqtyń kómegimen jylytylyp kelgen. Turǵyndar bolsa páterlerindegi temperatýranyń tómendigine shaǵymdanǵan.
Jańa jylý magıstrali 2020 jyly «Jumyspen qamtý jol kartasy» baǵdarlamasy boıynsha salyna bastady. Balqash jylý elektr ortalyǵynan Qońyratqa deıin 17 shaqyrym jylý qubyry tartyldy. Jobany iske asyrý Qaraǵandy oblysynyń ákimi Jeńis Qasymbektiń turaqty baqylaýynda boldy. Jaqyn arada jeli qysymmen tekserilip, qyrkúıek aıyna deıin nysan paıdalanýǵa beriledi. Jobany iske asyrý kezinde jobany basqarý ádisteri men quraldary eskerildi.
Ortalyq jylýǵa turǵyn úıler, áleýmettik sala jáne bıznes nysandary qosylatyn bolady. Sonymen qatar Qońyratta uzyndyǵy 8,3 shaqyrym bolatyn oramishilik jylý jelileri salynýda. Bul jobalardy iske asyrý shaǵynaýdannyń 3 myńǵa jýyq turǵynyn sapaly ári úzdiksiz jylýmen qamtamasyz etýge múmkindik beredi.
