Bul týraly «Dıapazon» basylymy málimdedi.
«Men koronavırýs juqtyrǵan joqpyn, biraq Ashyq júıesinen ózimdi teksergende «qyzyl» statýsqa ıe ekenimdi bildim. Qazir búkil jerde Ashyq júıesi qosylǵandyqtan jumysyma bara almaımyn, túrli nysandarǵa kire almaımyn.
Koronavırýs ınfeksııasyn menimen attas adam juqtyrǵanyn bildim. Ekeýmizdiń tolyq aty-jónimiz birdeı, biraq týǵan kúnimiz ben turǵylyqty mekenjaıymyz ár túrli. Al derekter bazasynda onyń JSN ornyna, meniń JSN engizip jibergen. Osyndaı qatelik saldarynan, bireýdiń nemquraıdylyǵynan, uqypsyzdyǵynan men birneshe kún boıy japa shegip jatyrmyn. Bul durys pa? Shyn máninde vırýs juqtyrǵan adam qazir qalada erkin qydyryp júr, al men úı qamaqta otyrmyn», dedi qala turǵyny Alekseı.
Emhana óz qatesin moıyndaǵan, biraq ázirge qateni eshkim túzetken joq.
№4 emhananyń bas dárigeriniń mindetin atqarýshy bul qate jyljymaly brıgada dárigeriniń derekterdi qate engizýine baılanysty bolǵanyn aıtty. Bul derek boıynsha ishki taldaý júrgizildi.
