«Búgin jolǵa 137 avtobýs shyǵýy kerek edi. Esh sebep aıtpaı 80 júrgizýshi jumysqa shyqpaı qaldy.
№24, 26, 15, 7, 11 sekildi baǵyttar toqtap tur. Habarlama da bermedi. Negizi olar elektrondy bılet engizgen soń ekinshi deńgeıli bank arqyly bank kartasyn ashýy kerek edi. Keıbiri budan bas tartty. О́ıtkeni nesıe qaryzy, alımenti bar, salyqty tólemegen. Al bank kartasy bar adamdar jalaqysyn alyp otyr. Shynyna kelgende, báriniń kartasy joq dep aıta almaımyn. Keıbiri bir-birin qoldap, búgin jumysqa kelmedi», dedi «Avtopark» JShS dırektoryAǵarys Tileýlesov.
Onyń aıtýynsha, elektrondy bılet tólem júıesi engizilgenimen, tabys artpaǵan. Tehnıkalyq qajettilik, salyq pen janar-jaǵarmaı, júrgizýshilerdiń jalaqysyn kóterý kiristi arttyrýǵa múmkindik bermegen.
«Qazir júrgizýshiler 120-300 myń teńge aralyǵynda jalaqy alady. Olardyń eńbekaqysy jumys júktemesine qaraı esepteledi. Eki aı múmkindik berildi. Bank kartasy bolmasa endi qolma-qol bere almaımyz. Qazir 40-50 paıyzy jalaqy ala almaı júr», dedi Aǵarys Tileýlesov.
Tańerteń júrgizýshilerdiń jumysqa shyqpaı qalǵanyn estigen eńbek ınspeksııasynyń ókilderi de seriktestikke bardy.
«Búgin tasymaldaý kompanııasynyń jumysshylarynan aryz-shaǵym túspedi. Degenmen júrgizýshiler jumysqa shyqpaı qalǵan soń sebebin bilýge kelip turmyz. Sebepsiz, negizsiz jumysqa kelmese, tártiptik jaza qoldanylýy múmkin. Onyń tórt túri bar. Tipti jumystan shyǵarýǵa quqyly», dedi oblystyq eńbek ınspeksııasy basqarmasy basshysynyń orynbasary Talǵat Iskarın.
