Ár bala memlekettik bıýdjet esebinen eki úıirme men bir tanymdyq seksııaǵa barýǵa quqyly. Osy mazmundaǵy Zań mamyr aıynda kúshine engen. Alaıda jergilikti atqarýshy organdar memlekettik tapsyrysty júzege asyrý úshin qarjyny jetkilikti deńgeıde bólmegen.
«Bul reformany qolǵa alǵanymyzǵa kóp bola qoıǵan joq. Osy baǵyttaǵy jumystar biz qalaǵandaı jyldam sheshile bermeıdi. Atalǵan máselege qatysty kúrmeýi sheshilýi tıis másele kóp. Qazir ondaǵan myń balalar júzdegen seksııalar men úıirmelerge barady. Bul tómen kórsetkish», dedi Arýjan Saın.
Sebebi Qazaqstanda 4,5 mıllıonǵa jýyq 4 jastan 17 jasqa deıingi balalardyń barlyǵy tegin seksııalarmen qamtamasyz etilýi tıis.
«Biraq mehanızm jumys isteı bastady, men bul san aı saıyn ósetinine senemin. Eń mańyzdy másele jergilikti atqarýshy organdar bul memlekettik tapsyrysqa jetkilikti qarajat bólmegen. Baqylaǵanymyzdaı ákimdikter mańyzy tómen is-sharalarǵa qarjyny kóp jumsaǵan. Biz bıylǵy Olımpıadadan balalar men buqaralyq sportty damytpaı, halyqaralyq arenada jetistikterge qol jetkize almaıtyndyǵymyzdyń dálelin kórdik», dep túsindirdi Saın.
