Ekonomıka • 19 Tamyz, 2021

EEK EAEO-da eýrazııalyq kompanııalardy qurýdyń jańa motıvasııalyq quraldaryn usyndy

250 ret
kórsetildi
1 mın
oqý úshin

Eýrazııalyq ekonomıkalyq komıssııa Alqasynyń tóraǵasy Mıhaıl Mıasnıkovıch búgin Cholpon-Atada ótken «Jańa mindetter men múmkindikter» III Qyrǵyz-Reseı bıznes-forýmynda kommersııalyq qyzyǵýshylyqqa negizdelgen aýqymdy jobalar EAEO ekonomıkasyn damytýda úlken ról atqarýy tıis ekenin aıtty, dep jazady Egemen.kz EEK saıtynda jarııalanǵan derekke silteme jasap.

EEK EAEO-da eýrazııalyq kompanııalardy qurýdyń jańa motıvasııalyq quraldaryn usyndy

EEK birlesken kásiporyndar eýrazııalyq transulttyq kompanııalardy qurýdyń jańa motıvasııalyq quraldaryn ázirleýdi usyndy.

Mıhaıl Mıasnıkovıch 2021 jyly Eýrazııalyq ekonomıkalyq odaq ekonomıkasynyń oń dınamıkasyn atap ótti. Birinshi jartyjyldyqta ónerkásip óndirisi 4,4%-ǵa, al óńdeý ónerkásibinde 6,5%-ǵa, tutynýshylardyń suranysy 9%-ǵa ósti, jumyssyzdar sany eki ese azaıdy.

Taýarlardyń ózara saýdasy 31,9%-ǵa ósti.

Sondaı-aq Odaq memleketteri arasyndaǵy kooperatıvti jetkizilim kóleminiń 25%-ǵa ósýi tirkeldi.