Oblys ákiminiń orynbasary Erjan Nurbaevtyń tóraǵalyǵymen ótken komıssııa otyrysynda birqatar ózekti másele qaraldy. Onyń biri – aldaǵy jylytý maýsymynda turǵyn úılerdiń órt qaýipsizdigin qamtamasyz etý.
Jyl basynan beri oblysta 950 órt tirkelip, 582 jer úıdi jalyn sharpyǵan. Tilsiz jaýdan 33 adam mert bolyp, ıis tıgen 56 adam aýrýhanaǵa jetkizildi.
Kóp jaǵdaıda órttiń shyǵýyna – otty abaısyz qoldaný (249 oqıǵa), pesh paıdalaný kezinde qaýipsizdik talaptaryn saqtamaý (160), elektr jabdyqtaryn montajdaý jáne paıdalaný erejelerin buzý (81) sebep bolǵan.
«Jylytý maýsymyna daıyndyq jumystary shilde aıynda bastalǵan. Oblys boıynsha barlyǵy 238 110 jeke turǵyn úı bar. О́rt oqıǵalaryn boldyrmas úshin halyq arasynda túsindirý jumystary júrip jatyr. Qutqarýshylar, ásirese áleýmettik osal toptaǵy 8172 otbasyǵa erekshe nazar aýdarǵan», dep jazady ShQO Tótenshe jaǵdaılar departamenti baspasóz qyzmeti.
