XVI jazǵy Paralımpıada oıyndary 24 tamyz – 5 qyrkúıek aralyǵynda ótedi.
Qazaqstan tarapynan: Sııazbek Dalıev, Nurálı Sovetkanov, Zýlfııa Gabıdýlına, Roman Agalakov, Alııa Rahımbekova, Nurdaýlet Jumaǵalı, Erjan Sálimgereev (para júzý), Dastan Muqashbekov, Saltanat Ábilhasymqyzy (para jeńil atletıka), Amanjol Janbota, Zarına Baıbatına, Dáýlet Temirjan, Daıana Fedosova, Anýar Sarıev, Ǵalymjan Smaǵululy (para dzıýdo), Spataı Bıbarys (para kanoe), Nurlan Dombaev, Nyshan О́miráli, Dosmalova Kámılıa (para taekvondo), Davıd Degterev, Raýshan Qoıshybaeva, Hamaev Rahmedjan, Abdyhalykova Gúlbaný, Solodýhına Alına (para paýerlıftıng) ı Djýmabaeva Aısýlý (para nysana atý) qatysady.
Oǵan qosa, Halyqaralyq Paralımpıada komıtetiniń (HPK) sheshimimen qazaqstandyq para dzıýdoshy Erlan Ýtepovke (100 kg) Paralımpıada oıyndaryna qosymsha joldama berildi. Erlan Ýtepov – para dzıýdodan halyqaralyq dárejedegi sport sheberi, Azııa jáne Okeanııa chempıonatynyń jeńimpazy 2019.
«Tokıo – 2020 Paralımpıada oıyndaryna 7 sport túrinen 26 sportshymyz qatysady. Tokıo aldynda atletter eki aptalyq karantınde bolyp, sońǵy jattyǵý jıyndaryn Almaty qalasy men Almaty oblysynda ótkizdi. Oıyn qarsańyndaǵy sońǵy kúnderdi sportshylar oqshaýlaný rejıminde ótkizip, syrtqy álemmen baılanysqa túsken joq. Osy rejımdi saqtap Tokıo oıyndaryna qaýipsiz jetýge úlken kómek kórsetken «Eır Astana» kompanııasyna úlken rızashylyǵymyzdy bildiremiz», dedi Sýleımenov Erlan Ulttyq Paralımpıada Komıtetiniń bas hatshysy.
