Baq.kz aqparat agenttiginiń jazýynsha, eskertkishtiń ashylýyna memleket jáne qoǵam qaıratkerleri, Táshenevtiń urpaqtary qatysty.
Saıan Jumabekuly Táshenev ákesine arnalyp eskertkish úshin el Prezıdenti Qasym-Jomart Kemelulyna alǵysyn bildirdi.
«Búgin bizdiń otbasymyz úshin erekshe kún. Sebebi ákemizdiń eskertkishi ashyldy. Bul eskertkishtiń ashylǵany úshin Qasym-Jomart Kemelulyna rahmetimdi aıtamyn. «Ákeńniń eńbegin nege nasıhattamaısyń?» degen adamdar kóp boldy. Naǵyz eńbek sińirgen adamdy halyq óz qurmetteıdi. Bizdiń ákemiz tek áke emes, naǵyz patrıot bolǵanyna qýanamyz. Týǵan jerinde turǵan eskertkish qandaı keremet. Bárine rahmet», dedi ol.
Eskertkishti Nur-Sultan qalasynyń ákiminiń orynbasary Ashat Oralov, Myrzataı Joldasbekov, Oralbaı Ábdikárimov ashty.
