Sársenbide «Talıban» Aýǵanstannyń Kandagar jáne Gerat qalalaryndaǵy Úndistannyń jabyq konsýldyqtaryna baryp, qujattar izdeýde tintý júrgizdi.
Reıdten keıin sodyrlar eki dıplomatııalyq ókildikten turaqtalǵan kólikterdiń bir bóligin alyp ketti. Aýǵanstandaǵy basqa úndi mekemeleri týraly aqparat joq.
«Kabýldaǵy elshilikten basqa, Kandagar, Gerat, Mazarı-Sharıf jáne Jelalabadta Úndistannyń konsýldyqtary bar. Talıban bul qalalardy óz baqylaýyna alǵanǵa deıin birneshe kún buryn óz qyzmetkerlerin Otanyna evakýasııalaǵannan keıin mekemeler jabyldy. Qazirgi ýaqytta Kabýldaǵy Úndistan Elshiligi resmı túrde ashyq. Dıplomattardy Otanyna jibergennen keıin onda aýǵan azamattarynyń qyzmetkerleri jumys isteıdi», dep habarlady TASS.
BBC habarlaǵandaı, eldegi bılikti basyp alǵannan keıin, tálibter NATO kúshterine nemese burynǵy Aýǵanstan Úkimetine jumys istegen aýǵandyqtardy anyqtaýǵa tyrysyp, eldiń astanasynda tintý júrgizýdi bastady.
«Qazirgi ýaqytta «Talıban» kóptegen adamdardy qýdalaýda», dedi spıkerler tobyn basqaratyn Krıstıan Nellemann.
Ol tálibterdiń qara tizimine engen kez kelgen adamǵa úlken qaýip tónip turǵanyn jáne elde jappaı ólim bolýy múmkin ekenin eskertti.
