Keshe keshkisin AQSh áskerıleri Germanııanyń Ramshtaın qalasyna taǵy 159 adam jetkizdi. Nemis jerine taban tiregen azamattardyń barlyǵy koronavırýsqa baılanysty karantınnen ótedi. Jalpy AQSh Aýǵanstannan evakýasııalanǵan azamattaryn ornalastyrý úshin bul bazadaǵy oryndy 5 myńnan 10 myńǵa deıin ulǵaıtýdy kózdep otyr.
«Olardyń báriniń sharshap shaldyqqany baıqalady. Biraq áıelder men balalardyń kúlimdegen júzderi kóńilińizge qýanysh uıalatady. Karantınnen keıin evakýasııalanǵandardyń ishinde jat pıǵyldy jandar bolmas úshin tekserýler júrgizý qarastyrylǵan», dedi AQSh áskeriniń ókili Djosh Olson.
Al Eýroodaqqa evakýasııalanyp jatqan aýǵandyqtardyń biraz bóligi Madrıdtegi, Torrahon De Ardos áskerı áýejaıyna jetkizilip jatyr. Bosqyndardyń kóbi – odaqqa qyzmet etken aýǵan azamattary. Bul jerde 1 myń adamǵa arnalaǵan oryn daıyndalǵan. Osy jerde birneshe kún aıaldaǵan soń olar ózge eýropalyq elderdegi qabyldaý oryndaryna jiberiledi.
