Bilim • 21 Tamyz, 2021

О́zbekstanda 400 mektep qazaq tilinde bilim beredi

50 ret kórsetildi

Bul týraly О́zbekstan Respýblıkasynyń Qazaqstandaǵy Tótenshe jáne О́kiletti elshisi Saıdıkram Nııazhodjaev aıtty, dep jazady Egemen.kz.

Saıdıkram Nııazhodjaevtyń aıtýynsha О́zbekstannyń 7 joǵary oqý ornynda gýmanıtarlyq jáne tehnıkalyq mamandyqtar qazaq tilinde úıretilip jatyr. 

«2018 jyly Qazaqstanda О́zbekstan respýblıkasy jyly atalyp ótti. Aıtýly jyl aıasynda Qazaqstanda túrli baǵyttaǵy 90-nan astam is-shara uıymdastyryldy. Sáıkesinshe, 2019 jyly bizdiń elde Qazaqstan jyly atalyp ótildi jáne onyń aıasynda 80-nen astam is-shara ótti. Ekijaqty ótken is-sharalar saıası, aǵartý, mádenı jáne gýmanıtarlyq baǵytty meńzedi. О́kinishke qaraı, 2020 jyly pandemııaǵa baılanysty ekijaqty is-sharalardy toqtata turýǵa týra keldi. Degenmen eki el arasyndaǵy ózara baılanys toqtaǵan emes», dedi Saıdıkram Nııazhodjaev elordadaǵy О́zbekstan elshiliginde ótken baspasóz máslıhatynda.

Odan bólek, elshi О́zbekstandaǵy qandastardyń taǵdyry týraly aıtty.

«Qazirgi tańda О́zbekstanda 822 myń qazaq ómir súrip jatyr. Olar О́zbekstan eliniń damýyna óz úlesin qosýda. Bizdiń elde 400-deı mektep qazaq tilinde bilim berip jatyr. Sonymen qatar, О́zbekstannyń 7 joǵary oqý ornynda gýmanıtarlyq jáne tehnıkalyq mamandyqtar qazaq tilinde úıretilip jatyr. 1992 jyldan beri О́zbekstannyń 30 oblys ortalyǵynda qazaq mádenı ortalyǵy jumys istep tur», deıdi ol.

Buǵan deıin, Saıdıkram Nııazhodjaev bıylǵy 6 aı ishinde Qazaqstan men О́zbekstan eli arasyndaǵy taýar aınalymy 1,9 mlrd AQSh dollarǵa jetkenin aıtty. 

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar