Ekonomıka • 23 Tamyz, 2021

Almaty – arzan qala

46 ret kórsetildi

The Economist sarapshylary qalalardaǵy taýarlar men qyzmetter baǵasyn salystyra otyryp, álemdegi qymbat qalalar reıtıngin jarııalady. Bul reıtıngte Almaty qalasy eń arzan qalalardyń biri retinde kórsetildi.

133 shaharǵa sholý jasalyp, ondaǵy 140 taýar men qyzmetter baǵasy salys­ty­rylǵan. Onyń ishinde azyq-túlik, alkogol, kommýnaldyq qyzmet, kıim, jeke gıgıena, baspana arendasy, sport pen densaýlyq shyǵyny, oıyn-saýyq jáne transport kategorııalary zerttelgen.

Qorytyndysynda eń qym­bat qala mártebesin Parıj, Sıýrıh jáne Gonkong ıelengen. Úsheýiniń de ındeksi 103 paıyz­dy quraǵan. Sonymen qatar úzdik on­dyqta Sıngapýr (4), Tel-Avıv (5-6), Osaka (5-6), Jeneva (7-8), Nıý-Iork (7-8), Ko­­pengagen (9-10), Los-Andjeles (9-10) qa­lalary bar. Al eń arzan qalalar – Damask pen Tashkent. 133 qalanyń ishinde Almaty 33 paıyz ındekspen 129-oryn­ǵa turaqtaǵan. Sóıtip álemdegi eń arzan qalalardyń biri retinde atalyp otyr.

Árıne, Qazaqstannyń óz ishinde Almaty eń qymbat qalalardyń biri sanalady. Áleýmettik mańyzdy azyq-túlik taýarlary sebetindegi 19 pozı­sııa­nyń 12-si Almatydaǵy qymbat taýar­lar qataryna jatady. Basqa qala­larmen salystyrǵanda ońtústik astanada birinshi sortty bıdaı uny (29,7 paıyz), birinshi kategorııaly jumyrtqa (38,4 paıyz) erekshe qymbat. Sonymen qatar megapolıste kommýnaldyq qyzmet, qoqys shyǵarý qyzmeti, ystyq sý, elektr energııasy res­pýblıkanyń basqa qala­lary­nan birneshe ese qymbat.

Energyprom málimetinshe, bala­baq­sha, shashtaraz, foto­qyz­met, aqyly dáriger qyz­meti de almatylyqtardyń qalta­syna edáýir salmaq salyp otyr. Turmystyq hı­mııa men jeke gıgıena zattaryn da ar­­zan dep aıta almaısyz. Degen­men farma­sev­tıkalyq prepa­rat­tardyń ózge qala­larda­ǵy baǵadan tómen ekeni anyqtalǵan.

 

Sońǵy jańalyqtar

Uqsas jańalyqtar