Ekonomıka • 23 Tamyz, 2021

Qazaqstan men Katar arasyndaǵy saýda kólemi ósti

114 ret kórsetildi

Qazaqstan-Katar iskerlik keńesiniń otyrysynda Ulttyq ekonomıka vıse-mınıstri Álibek Qýantyrov ekijaqty yntymaqtastyqtyń perspektıvalyq baǵyttary týraly aıtty, dep jazady Egemen.kz.

Vıse-mınıstr Qazaqstan Katardy Arab túbegi elderi arasyndaǵy mańyzdy áriptes retinde qarastyratynyn eske saldy. Onyń aıtýynsha, búginde elder arasynda turaqty jáne qarqyndy damyp kele jatqan saýda-ekonomıkalyq baılanys ornatylǵan. Sońǵy 8 jylda Qazaqstan men Katar arasyndaǵy saýda kólemi 9 esege jýyq ósti.

«Biz qarjy jáne bankıng salasynda, onyń ishinde «Astana» halyqaralyq qarjy ortalyǵynyń platformasynda, aýyl sharýashylyǵy, jer qoınaýyn paıdalaný, júk-jolaýshylar áýe tasymaly, qorǵanys-ónerkásip kesheni, gýmanıtarlyq salada eleýli perspektıvalardy kórip otyrmyz», dedi Ulttyq ekonomıka mınıstriniń orynbasary.

Vıse-mınıstr otyrysqa qatysýshylardy Qazaqstandaǵy aǵymdaǵy ekonomıkalyq jaǵdaımen tanystyrdy. Aǵymdaǵy jylǵy 7 aıda Qazaqstan ekonomıkasy 2,7%-ke óskenin kórsetti.

Sonymen qatar vedomstvo basshysynyń orynbasary ınvestorlardy qoldaýdyń jańa quraly – ınvestorlarǵa 25 jylǵa jeke qoldaý sharalaryn qarastyratyn Investısııalar týraly kelisim jaıynda málimdedi.

«Halyqaralyq sarapshylar Qazaqstan ekonomıkasyndaǵy memlekettik qarjy men kredıttik beıinniń turaqtylyǵyna qatysty oń úrdisterdi atap ótýde. Moody's reıtıngtik agenttigi osy jyly 2006 jyldan beri alǵash ret Qazaqstannyń táýelsiz reıtıngin Baa3-ten Baa2-ge deıin kóterdi: boljam «Turaqty». Bıyl Qazaqstan IMD jahandyq básekege qabilettilik reıtınginde aldyńǵy 35 eldiń qataryna kirip, ótken jylǵy reıtıngpen salystyrǵanda 7 tarmaqqa kóterildi», dedi Qýantyrov.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar