TOKYO2020 • 23 Tamyz, 2021

Paralımpıadanyń ashylý saltanatynda Aýǵanstan týy kóteriledi

100 ret kórsetildi

Paralımpıadaǵa Aýǵanstannan eki sportshy qatysýy kerek edi, dep jazady Egemen.kz.

Foto: getty images

Tokıoda ótetin Paralımpıadanyń ashylý saltanatynda Aýǵanstannyń týyn kóterip, sol eldiń jarysqa qatysa almaıtyn sportshylaryna qoldaý bildiredi. Bul týraly dúısenbide Japonııa astanasynda ótken baspasóz konferensııasynda Halyqaralyq Paralımpıada komıtetiniń basshysy Endrıý Parsons málimdedi.

«Aýǵanstannyń týy Paralımpıadanyń ashylý saltanatynda sherýge qatysady. Ony alyp júrý úshin BUU bosqyndar isi jónindegi Joǵarǵy Komıssarynyń ókilin shaqyrdyq. Sondyqtan biz yntymaǵymyzdy kórsetkimiz keledi. Olar Olımpıadaǵa qatysýy kerek edi, biraq, ókinishke qaraı, bul múmkin bolmady», dedi ol.

Paralımpıadaǵa Aýǵanstannan eki sportshy qatysýy kerek edi. Olardyń arasynda Zakııa Hýdadadı bar, ol Paralımpıadaǵa Aýǵanstan atynan qatysqan birinshi áıel boldy. Ulttyq qurama Tokıoǵa 17 tamyzda kelýi kerek edi. Alaıda, Aýǵanstandaǵy jaǵdaıǵa baılanysty olardy Japonııaǵa jetkizýdiń qaýipsiz joly bolmaı tur.

«Talıban» qozǵalysynyń sodyrlary 15 tamyzda Kabýlǵa uryssyz kirdi jáne birneshe saǵat ishinde Aýǵanstan astanasyn tolyq baqylaýǵa aldy. Aýǵanstan Prezıdenti Ashraf Ǵanı qantógisti boldyrmaý úshin elden ketkenin aıtty. Birqatar elder azamattary men elshilik qyzmetkerlerin evakýasııalap jatyr.

Tokıodaǵy Paralımpıada oıyndary 24 tamyz ben 5 qyrkúıek aralyǵynda ótedi.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar