Stopfake.kz jazýynsha, kıberqylmyskerler mundaı habarlamalardy shottar men bank shottaryna qol jetkizý úshin paıdalanady.
Messendjerlerde taraǵan aqparattaǵy silteme saıtqa aparady. Paıdalanýshynyń senim týdyrý úshin paraqshada memlekettik rámizder qoldanylǵan. Saıtqa kirýshi 4 suraqqa jaýap berip, aqshalaı syılyq qorapshasyn tańdaýy kerek. Sodan keıin 50 myń bonýs berilgeni týraly habarlanady, al ony alý úshin qoldanýshy habarlamany bes topta nemese basqa 20 adammen bólisý qajet. Alaıaqtar feıkti osylaı taratady.
Eńbek jáne halyqty áleýmettik qorǵaý mınıstrligi vedomstvonyń mundaı saýalnamalarǵa eshqandaı qatysy joq ekenin eskertedi.
«Eńbekmıni messendjerler men áleýmettik jeliler arqyly azamattar arasynda eshqandaı saýalnama júrgizbeıdi. Azamattarǵa mundaı habarlamalardy zııankester akkaýnttar men banktik shottardy ıemdený úshin paıdalanýy múmkin ekenin eskertemiz. Alaıaqtyqtyń qurbany bolmas úshin kúmándi siltemeler boıynsha ótpeýlerińizdi jáne onda jeke derekterińizdi qaldyrmaýyńyzdy suraımyz», delingen vedomstvo habarlamasynda.
