Jergilikti polısııanyń habarlaýynsha, 17 tamyzda Buqar jyraý aýdandyq polısııa basqarmasyna 52 jastaǵy er adam júgingen. Shaǵymynda óziniń atynan 170 myń teńge kóleminde nesıe rásimdegen adamdy ustaýdy ótingen. Aıtýynsha, 22 jastaǵy aýyldasy aqsha surap kelgende shaǵymdanýshy oǵan telefonnan onlaın-kredıt rásimdeýdi úıretpek bolyp, óziniń jeke málimetterin engizgen. Keıin ony óshirýdi umytyp ketken.
Shaǵymdanýshy sol jigitten kúdiktenetinin aıtqan.
Polıseıler kúdiktini ustady. Ol óz kinásin moıyndady. Qazirgi kezde Qylmystyq kodekstiń 192-baby boıynsha sotqa deıingi tergeý júrip jatyr. Osy qylmys úshin kúdiktiniń múlki tárkilenip, 1 000 AEK (2 917 000 teńgege) deıingi mólsherde aıyppul salý ne 600 saǵatqa deıingi merzimge qoǵamdyq jumystarǵa tartý nemese eki jylǵa deıingi merzimge bas bostandyǵyn shekteý (aıyrý) jazasy qoldanylýy da múmkin.
