Is-sharany Sh.Aımanov atyndaǵy «Qazaqfılm» jáne Iordanııanyń kınematografııa boıynsha Koroldik komıssııasymen birlesip, Qazaqstan Respýblıkasynyń Iordanııadaǵy elshiligi uıymdastyrǵan.
Kınokórsetilim Amman qalasynyń eń kóne aýdandarynyń birinde ornalasqan «Kıno úıinde» ótti. Qazaqstan elshisi Aıdarbek Týmatov qazaqstandyq kınematografııaǵa tanytqan qyzyǵýshylyǵy úshin ıordanııalyqtarǵa alǵys bildirip: «Bul joba ıordanııalyqtardyń Qazaqstan halqymen, onyń tarıhy jáne mádenıetimen jaqynyraq tanysýyna múmkindik týǵyzyp, Qazaqstan-ıordan mádenı-gýmanıtarlyq yntymaqtastyǵynyń odan ári nyǵaıýyna septigin tıgizedi», dedi.
Is-shara rejısser Nurgeldi Sadyqulovtyń «Balýan Sholaq» kórkem fılminen bastaldy. Aqan Sataevtyń «Jaýjúrek myń bala» kınokartınasy da usynyldy.
Aıta keteıik, fılmder túpnusqa úlgisinde, aǵylshyn tilindegi sýbtıtrlerimen kórsetilgen. Kıno kúnderine dıplomatııalyq korpýs, BAQ ókilderi, qoǵam qaıratkerleri sondaı-aq Iordanııa astanasynyń turǵyndary qatysty.
