QTF baspasóz qyzmetiniń málimeti boıynsha, týrnırde dúnıejúzindegi TOP-100 tennısshisiniń qataryna enetin Aleksandr Býblık (Qazaqstan, álemniń 37-raketkasy), Krıstıan Garın (Chılı, 19), Aslan Karasev (Reseı, 24), Fılıp Kraınovıch (Serbııa, 38), Dýshan Laıovıch (Serbııa, 40), byltyrǵy Astana Open chempıony – Djon Mılman (Aýstralııa, 43), Benýa Per (Fransııa, 49), Lorenso Mýsettı (Italııa, 58), Makkenzı MakDonald (AQSh, 60) jáne ózge tennısshiler baq synaıdy.
Sonymen qatar jarystyń negizgi kezeńinde qazaqstandyq tennısshilerden Aleksandr Býblıkten bólek, erler quramasynyń barlyq ókilderi óner kórsetedi. Atap aıtqanda, Mıhaıl Kýkýshkın, Andreı Golýbev pen Aleksandr Nedovesov. Jáne de Dmıtrıı Popko, Tımofeı Skatov, Denıs Evseev, Beıbit Juqaev, Dostanbek Tashbýlatov, Grıgorıı Lomakın syndy jas oıynshylarymyz el birinshiligine qatysyp, Astana Open ATP 250 jarysynyń negizgi kezeńi men kvalıfıkasııasynda oınaýǵa múmkindik alady.
Eske sala keteıik, týrnır 2021 jyldyń 19-26 qyrkúıegi aralyǵynda Nur-Sultanda ótedi.
