Premer-Mınıstrdiń tapsyrmasy boıynsha epıdemıologııalyq jaǵdaıdyń turaqtalýyna baılanysty VAK karantındik rejımdi jeńildetý boıynsha birqatar sheshimderdi maquldady.
Aǵymdaǵy jyldyń 28 tamyzynan bastap ruqsat beriledi:
«Ashyq» jobasyna qatysatyn barlyq bıznes obektileriniń demalys kúnderi saǵat 24:00-ge deıin, «ASHYQ» jobasynyń kóshbasshylary – qosymshasy arqyly rastalǵan qyzmetkerler men kelýshilerdiń «jasyl mártebesi» (vaksınasııalanǵandar, 7 kúnnen kem emes teris nátıjesi bar PTR testiniń bolýy) bolǵan jaǵdaıda saǵat 02:00-ge deıin;
- senbi kúni - qoǵamdyq kólik qyzmetine.
2. Aǵymdaǵy jyldyń 30 tamyzynan bastap jumys kúnderi:
- «Ashyq» jobasyna qatysatyn barlyq bıznes obektileriniń jumys ýaqyty 22:00-den 24:00-ge deıin, «Ashyq» jobasy kóshbasshylarynyń jumys ýaqyty 24:00-den 02:00-ge deıin uzartyldy.
Bul rette epıdemıologııalyq jaǵdaıdy eskere otyryp, Almaty qalasynda karantındik sharalardyń jeńildetilýin 4 qyrkúıekten bastap demalys kúnderi, al jumys kúnderi 6 qyrkúıekten bastap engizý josparlanǵan.
Sondaı-aq, VAK-ta jańa oqý jylyna daıyndyq máselesi qaraldy.
Premer-Mınıstrdiń orynbasary aǵymdaǵy jyldyń tamyz aıynyń sońyna deıin oryndaý úshin kelesi tapsyrmalardy berdi:
- medısınalyq qarsy kórsetilimderi bar adamdardy qospaǵanda, pedagogter men tehnıkalyq personaldy vaksınasııalaýdy aıaqtaý;
- sanıtarııa talaptaryna sáıkes mektepterdiń tolyq daıyndyǵyn qamtamasyz etý;
- pedagogter, qyzmetkerler jáne ata-analar úshin barlyq bilim berý uıymynda «Ashyq» júıesiniń jumysyn qamtamasyz etý;
- bilim berý uıymdaryn oqýlyqtarmen, oqý-ádistemelik keshendermen 100% qamtamasyz etý;
- mektepterde kúrdeli jáne aǵymdaǵy jóndeý jumystaryn aıaqtaý.
VAK otyrysynda Premer-Mınıstrdiń orynbasary basqa da birqatar tapsyrma berdi.
