«Bilim salasynda karantın ótken jyldyń 16 naýryzynda bastaldy. Barlyq oqý orny onlaın formatqa sol kezde kóshken edi. Al sol 16 naýryzǵa deıin bolǵan formatty qaıta jalǵastyrý múmkin emes. О́ıtkeni bizde biraz ózgeris paıda boldy», dedi mınıstr.
Ashat Aımaǵambetovtyń túsindirýinshe, endi keıbir sabaqtardy onlaınǵa ótkizý, ártúrli elektrondy qurylǵylardy paıdalanýǵa bolady. О́tken jyly muǵalim, stýdent, oqýshylardyń sırlyq quzyrettiligi áldeqaıda damydy.
«Sondyqtan biz sol 2020 jyly bolǵan dástúrli formatqa kóshpeımiz, sol jyly jıǵan-tergen tájirıbemizdi jańa tehnologııalardy qoldana otyryp, oflaın formatta qoldanamyz. Ol neni bildiredi? Mysaly JOO-da keıbir pánderdi áli osylaı onlaın formatta ótkizýge bolady degen tujyrymdamaǵa keldik. Mekepte IT pániniń teorııalyq bólimin onlaın formatta ótkizýge bolady. Ekinshiden, qashyqtan oqyǵanda bilim sapasynda ártúrli aqaý boldy, ony jasyra almaımyz. Onlaın format pen dástúrli formatty salystyrýǵa bolmaıdy. Biz jańa oqý jylyn bastaǵanda oqýshylardyń onlaın oqýdan kelgenin eskerýimiz kerek. Sondyqtan jańa oqý jylyn bilim berý baǵdarlamalaryn beıimdeý arqyly bastaıtyn bolamyz», dedi mınıstr.
Mınıstrdiń aıtýynsha, jyl basynda muǵalimder oqýshylarǵa saraptama jasaıdy. Aldyńǵy oqý jylynda bala qaı taqyryptardy ıgermedi, sony anyqtaıdy. Sol taqyryptardy qamtyp, pysyqtaıdy.
