RIA Novostı agenttiginiń habarlaýynsha, Reseı qorǵanys mınıstri Sergeı Shoıgý prezıdent Vladımır Pýtınniń tapsyrmasy boıynsha Aýǵanstannan 500-den astam Reseı, Ýkraına jáne UQShU-ǵa múshe basqa elderdiń azamattaryn áskerı ushaqtarmen evakýasııalaýdy uıymdastyrady.
Tapsyrmany oryndaý úshin Ýlıanovsk aerodromynda ornalasqan tórt áskerı kólik ushaǵynan turatyn áýe toby qurylǵan. Bortta áskerı-medısınalyq brıgadalar, sondaı-aq sý, azyq-túlik jáne kórpe bar.
Ásirese sońǵy aptalarda Talıban (Qazaqstanda jáne basqa elderde tyıym salynǵan uıym) Aýǵanstandaǵy iri qalalardy basyp alyp, 15 tamyzda Kabýlǵa kirgen kezde eldegi jaǵdaı shıelenise tústi. Aýǵanstan prezıdenti Ashraf Ǵanı «qyrǵyndy boldyrmaý úshin» elden ketkenin málimdedi. 16 tamyzǵa qaraǵan túni «Talıban» saıası keńsesiniń ókili Mohammad Naım Aýǵanstandaǵy soǵys aıaqtalǵanyn, shtattaǵy basqarý formasy jaqyn arada belgili bolatynyn aıtty.
Birqatar el, sonyń ishinde AQSh, Ulybrıtanııa jáne Germanııa Kabýldaǵy jalǵyz áýejaı arqyly óz azamattary men aýǵandardy evakýasııalady. Talıbandar seısenbide evakýasııa 31 tamyzǵa deıin aıaqtalýy tıis ekenin, sodan keıin oǵan tyıym salynatynyn aıtty.
