Satybaldıev Oraz Satybaldyuly Q.I.Sátbaev atyndaǵy Qazaq ulttyq ǵylymı-tehnıkalyq ýnıversıtetiniń matematıka kafedrasynyń meńgerýshisi, fızıka-matematıka ǵylymdarynyń kandıdaty, pedagogıka ǵylymdarynyń doktory, professor, Halyqaralyq aqparattandyrý akademııasynyń akademıgi bolyp jumys istedi. «Qazaqstan Respýblıkasynyń ǵylymyn damytýdaǵy eńbegi úshin» medaliniń ıegeri.
Ol pedagogıkalyq, ekonomıkalyq jáne tehnıkalyq mamandyq stýdentterine arnalǵan eki monografııa, onnan astam oqýlyq pen jıyrmadan astam oqý-ádistemelik quraldardy qosqanda, júz otyz besten astam oqý, oqý-ádistemelik jáne ǵylymı jumystardyń avtory. О́ziniń tájirıbesin, bilimin, ǵylymı erýdısııasyn, shyǵarmashylyq ıdeıalaryn aspıranttar men stýdentterge jomarttyqpen jetkizdi. Ǵylymı jetekshi jáne kandıdattyq, doktorlyq dıssertasııalardyń keńesshisi boldy. Onyń jetekshiligimen bes kandıdattyq jáne bir doktorlyq dıssertasııa qorǵaldy.
O.S.Satybaldıev ǵylymı-pedagogıkalyq qyzmetti úlken qoǵamdyq jáne ǵylymı uıymdastyrýshylyq jumysymen tabysty ushtastyra bildi. QR Bilim jáne ǵylym mınıstrligi Bilim jáne ǵylym salasyndaǵy qadaǵalaý jáne sertıfıkattaý komıtetiniń psıhologııa jáne pedagogıka jónindegi saraptamalyq keńesiniń múshesi boldy.
2007 jylǵy «Joǵary oqý ornynyń úzdik oqytýshysy» memlekettik grantynyń ıegeri atandy.
QR Bilim jáne ǵylym mınıstrligi Bilim jáne ǵylym salasyndaǵy qadaǵalaý jáne sertıfıkattaý komıtetiniń psıhologııa jáne pedagogıka boıynsha saraptamalyq keńesiniń múshesi boldy.
