Oblystyq statıstıka departamentteriniń qajettiligi úshin jalpy somasy 475,4 mln. teńgege otandyq óndiristiń 138 dana VAZ 21214 «Nıva» avtokóligi satyp alyndy.
Bul kólikter aımaqtardaǵy sanaqqa baılanysty is-sharalardy júrgizý úshin paıdalanylatyn bolady. Onyń ishinde qajetti materıaldardy jetkizý, aımaqtardy aralaý, qajet bolǵan jaǵdaıda suhbat alýshylar men basqalar qoldanatyn planshetterdi aýystyrý.
«Sanaq aıaqtalǵannan keıin olardy aýdandyq statıstıka basqarmalary qyzmettik maqsatta paıdalanatyn bolady. Atap aıtqanda, halyqtyń turmys deńgeıi men jumyspen qamtylýy, aýylsharýashylyq sanaǵy boıynsha zertteýler turaqty túrde júrgizilmek. Sonymen qatar, aýdandyq bólimsheler paıdalanatyn kólikterdiń 10 jyldan astam ýaqyt boıy jańartylmaǵanyn da aıta ketken jón», dep habarlady USB «QazAqparatqa» bergen suhbatynda.
