Halyqaralyq dopıng-testileý agenttiginiń (ITA) sheshimine sáıkes, Rahımov 2016 jyly dopıng tekserý úshin tapsyrǵan nesep taldaýyn aýystyrdy degen kúdikke ilindi. Sol jyly ol Rıo-de-Janeıroda ótken Olımpıada chempıony bolǵan.
Búgin aýyratlet Nıjat Rahımov dopıng daýyna qatysty sot otyrysy aldynda jankúıerlerge arnaıy málimdeme jasady.
«Erteń meni synamalardy aýystyrdy dep aıyptaǵan iske baılanysty otyrys ótetinin habarlaǵym keledi. Qańtar aıynan beri bizdiń federasııa tájirıbeli advokattarmen adal sportshy ekenimdi qorǵap qalýǵa kómektesip jatyr. Árıne, muny jazý men úshin qıyn. Biraq maǵan dál qazir sizderden qatty qoldaý qajet. Sot otyrysynyń nátıjesi qandaı bolatyny - Jaratýshyǵa ǵana aıan. Meni sporttan shettete me, Olımpıada oıyndarynyń júldesin tartyp ala ma, ol jaǵy belgisiz. Bir nárse aıtqym keledi, men bárin ereje boıynsha jasadym. Al test alý qalaı ótkenin bilmeımin. Ony mamandardyń uıaty biledi», deıdi Olımpıada chempıony.
Nıjat Rahımov arada bes jyl ótken soń synamany qaıta qarap, kiná taqqany ádiletsiz dep esepteıdi.
«Aýyr atletka - ómir boıy aınalysyp kele jatqan jumysym. Bul joldy tańdaǵanyma esh ókinbegenmin. О́zimdi syılaımyn, birneshe jyldan beri qasymda júrgen adamdardy syılaımyn. Sizder meni tek jeńiske jetken sátte ǵana emes, osyndaı qıyn shaqta da qoldaıdy dep senemin. Bul qıyn synaqtan ótýim kerek. О́zim úshin, Qazaqstan úshin jeńiske jetýim kerek», dep jazdy Nıjat Rahımov.
