N.Pogodın atyndaǵy orys drama teatrynda oblys aktıviniń qatysýymen Qazaqstan Prezıdenti Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Joldaýyn talqylaýǵa arnalǵan keleli jıyn ótti. Onda aımaq basshysy Samat Eskendirov uzaq merzimge baǵdarlanǵan strategııalyq basymdyqtardy belgilep bergen tarıhı qujattan týyndaıtyn mindetter jaıly baıandama jasady.
N.Pogodın atyndaǵy orys drama teatrynda oblys aktıviniń qatysýymen Qazaqstan Prezıdenti Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Joldaýyn talqylaýǵa arnalǵan keleli jıyn ótti. Onda aımaq basshysy Samat Eskendirov uzaq merzimge baǵdarlanǵan strategııalyq basymdyqtardy belgilep bergen tarıhı qujattan týyndaıtyn mindetter jaıly baıandama jasady.
– Barsha qazaqstandyqtar qoǵamdyq-saıası mańyzy zor oqıǵanyń kýágeri bolyp otyr. Elbasy halyqqa dástúrli Joldaýyn jarııalap, «Qazaqstan-2050» Strategııasyn júzege asyrýdyń basty qaǵıdattaryn belgilep berdi. Aldymyzda ǵasyr ortasyna taman ekonomıkalyq-áleýmettik qýattylyǵy myqty 30 eldiń sanatyna qosylý sekildi uly maqsat tur. Eldigimiz ben birligimiz, erligimiz ben eńbegimiz synalatyn kezeńge Nursultan Ábishuly «Máńgilik Qazaqstan» jobasy, el tarıhyndaǵy biz aıaq basatyn jańa dáýirdiń kemel kelbeti» degen sıpattama berdi. Elbasy damyǵan 30 eldiń qataryna kirý josparyn usyna otyryp, Qazaqstannyń 15-17 jyl ishindegi aýqymdy serpilis múmkindikterin aıqyndap berdi.
Innovasııalyq-ındýstrııalyq trendin túzeý jáne kúsheıte túsý, agroónerkásip keshenin ınnovasııalyq baǵytqa túsirý, ǵylymnyń áleýetin arttyrý, ınfraqurylymdyq úshtaǵan – aglomerasııa, kólik, energetıkanyń qarqyndy damýyn qamtamasyz etý, shaǵyn jáne orta bıznesti órkendetý, qazaqstandyqtardyń áleýetin ashatyn jańa múmkindikter jasaý, memlekettik ınstıtýttar jumysyn jetildirý salalary boıynsha tyń talaptar qoıyldy, deı kelip, Samat Saparbekuly Prezıdent belgilep bergen Qazaqstannyń álemdegi eń qýatty elderdiń qataryna kirý tujyrymdamasynyń uzaq merzimdi basymdyqtaryna jan-jaqty toqtaldy. Birinshi besjyldyqta ınnovasııalyq ındýstrııalandyrý salasy boıynsha jobalardyń júzege asqanyn, olardyń ishinde júk vagony, gaz-munaı, temirjol salalaryna aıryqsha basymdyq berilgenin atap ótti. Indýstrııalandyrý kartasy aıasynda 41,5 mıllıard teńgeniń 30 jobasyn iske qosyp, 2 myń jańa jumys oryndaryn ashý kózdelse, búginde 26 mıllıard teńgeniń 26 jobasy paıdalanýǵa berilip, 800 adam jumysqa ornalasqan. Nátıjesinde ekonomıkaǵa 77 mıllıard teńgedeı ınvestısııa quıylǵan. Investorlarǵa qyzmet kórsetý ortalyǵy qurylǵaly jeke ınvestısııalardy tartý ósimi baıqalady.
Odan ári Elbasy agroónerkásip keshenin ınnovasııalyq baǵytqa túsirý jóninde naqty tapsyrma bergenin, soǵan oraı alda atqarylatyn sharalardy tilge tıek etti. Baıandamashy ǵylymı qamtymdy ekonomıka qurý tapsyrmasyna sáıkes tıisti oryndarǵa shetelderden ákelinetin ınvestısııanyń barlyq múmkindikterin qarastyrýdy tapsyrdy. Shyny kerek, bul saladaǵy kórsetkish múldem tómen. Barlyq qarjylandyrýdyń 0,1 paıyzyn ǵana quraıdy.
Oblys ákiminiń endigi bir toqtalǵany ekonomıkadaǵy shaǵyn jáne orta bıznestiń úlesin arttyrý jaıy boldy. Budan bylaı túrli ákimshilik kedergilerge tosqaýyl qoıylatynyn, kásipkerlik otbasy dástúrine aınalatynyn, aýyldyqtardyń jeke sharýamen aınalysýyna basymdyq beriletinin jetkizdi.
О́mir ESQALI,
«Egemen Qazaqstan».
Soltústik Qazaqstan oblysy.
