Elorda ákimdigi qoǵamdyq kólikke Ashyq júıesin engizý josparlanbaǵanyn, biraq qoldanystaǵy sanıtarlyq erejeler saqtalatynyn habarlady.
«Qoǵamdyq kólikte saqtalýy kerek erejeler ózgerissiz qalady. Ol betperde kııý, jol aqysyn qolma-qol aqshasyz tóleý, avtobýsqa aldyńǵy esik arqyly miný. Ashyq jobasyn engizýdi josparlap otyrǵan joqpyz», dedi ákimdik.
Almaty qalasynda da avtobýstarǵa Ashyq júıesin qoldanbaıdy. Qaladaǵy bas memlekettik sanıtarlyq dárigeriniń qaýlysyna sáıkes, qoǵamdyq kólikte Ashyq baǵdarlamasyn engizý qarastyrylmaǵan.
Esterińizge sala keteıik, 5 tamyzda Atyraý avtobýstarynda Ashyq júıesi engizilgen bolatyn. Bul - Qazaqstandaǵy qosymsha arqyly qoǵamdyq kólikke kirý baqylaýǵa alynǵan birinshi qala.
