Banknottardy aýystyrýǵa suranystyń kóp bóligi Almaty (16,6%), Nur-Sultan (9,7%), Qaraǵandy oblysynyń (8,8%) turǵyndarynan túsken. Aıyrbastaýǵa qabyldanǵan banknottardyń negizgi úlesi - 500 teńgelik banknottarǵa tıesili (47,1%).
Eske salaıyq, 2006 jyly shyqqan úlgidegi 500, 1000, 2000, 5000 jáne 10 000 teńgelik banknotalaryn QRUB aýmaqtyq fılıaldarynda aıyrbastaýǵa bolady.
Jańa banknot shyǵarylǵan kezde eski úlgidegi banknot 12 aı boıy aınalymda parallel júredi. Sáıkesinshe, eski banknotalar da, jańa banknottar da zańdy tólem quraly bolyp tabylady jáne 1 jyl ishinde tólemniń barlyq qyzmeti úshin qabyldanýy tıis.
Banknot aınalystan alynǵannan keıin 3 jyl ishinde Ulttyq banktiń fılıaldarynda, ekinshi deńgeıdegi bankterdiń fılıaldarynda, «Qazposhta» AQ bólimshelerinde de aıyrbastaýǵa bolady.
3 jyldan keıin aınalymnan shyqqan banknottardy Ulttyq banktiń bólimshelerinde merzimsiz aýystyrýǵa bolady.
