Qatysýshylar Aýǵanstandaǵy jaǵdaıǵa nazar aýdaryp, soǵan baılanysty Ortalyq Azııa elderiniń qaýipsizdigine tónýi múmkin qaterdi talqylady.
Pikir almasý barysynda EQYU PA Tóraǵasynyń orynbasary, QR Parlamenti Senatynyń vıse-spıkeri Asqar Shákirov Assambleıanyń qoldanystaǵy mandaty aıasynda aýǵan halqynyń senimin qalpyna keltirý sharalaryna toqtaldy. Qazirgi tańda halyqaralyq koalısııa kúshteriniń osy elden shyǵarylýyna baılanysty Aýǵanstan azamattarynda erteńgi kúnge degen senimsizdik basym ekeni belgili.
Ortalyq Azııa elderi bosqyndardyń jappaı kóshýi kezinde aımaqtaǵy jaǵdaıdyń turaqsyzdanýyna jáne óńirge radıkaldy aǵym ókilderiniń shoǵyrlaný múmkindigine alańdaýshylyq bildirdi.
Vıse-spıker Aýǵan jerindegi jaǵdaıdy turaqtandyrý jumystaryna Qazaqstannyń qatysyp jatqanyn atap ótti. Ol Qazaqstan Prezıdenti Qasym-Jomart Toqaevtyń sheshimine sáıkes Almatyǵa BUU-nyń Aýǵanstanǵa kómek kórsetý jónindegi mıssııasynyń ýaqytsha keńsesi kóshirilgenin tilge tıek etti. Qazirgi tańda Mıssııa qyzmetkerlerine jumys isteýge jáne turýǵa qajetti jaǵdaı jasalǵan.
«Otyrys sońynda Parlamentter ókilderi Aýǵanstandaǵy ahýalǵa, onyń EQYU aımaǵyndaǵy qaýipsizdikke yqpaly turǵysynan turaqty monıtorıng júrgizý kerektigi týraly usynystar aıtty. Sondaı-aq, bul máseleni Parlamenttik Assambleıanyń aldaǵy is-sharalarynyń kún tártibine engizý qajettigi de sóz boldy», dep jazady vedomtsvonyń baspasóz qyzmeti.
