Polisia.kz
22 tamyzda Jambyl oblysynyń jedel-izdestirý is-sharalary barysynda VAZ-21015 markaly avtokólik nazarǵa ilikken. Ony tintý úshin «Chernysh» atty qyzmettik ıt qoldanyldy. Nátıjesinde 49 jáne 35 jastaǵy eki jolaýshydan eki polıetılen qapqa salynǵan, jalpy salmaǵy 12,5 keliden asatyn «keptirilgen marıhýana» esirtki tárkilendi.
«Ustalǵandar kinásin moıyndap, Shý qalasynyń ýaqytsha ustaý ızolıatoryna qamaldy. QR Qylmystyq kodeksiniń 296-babynyń 4-bóligi («Asa iri mólsherde esirtki quraldaryn zańsyz saqtaý») boıynsha sotqa deıingi tergeý amaldary bastaldy. Atalǵan qylmysty jasaǵany úshin úsh jyldan jeti jylǵa deıingi merzimge bas bostandyǵynan aıyrý jazasy qarastyrylǵan», dedi Jambyl oblysynyń Polısııa departamenti Esirtki qylmysyna qarsy is-qımyl basqarmasynyń bastyǵy Asqar Jumabekov.
