Bul týraly megapolıs ákimi Baqytjan Saǵyntaev Instagram-daǵy paraqshasynda jazdy.
Qala ákimi turǵyndarmen birge árleý jumystary júrip jatqan jańa úıdi qarap shyqty. «Búgin órtten zardap shekken 14 otbasynyń máselesine núkte qoıyldy. Jetisý aýdany Aqtolqyn kóshesindegi úı qalpyna keltirilmeıdi. Turǵyndarmen birge salynyp jatqan úıden jergilikti bıýdjet qarajaty esebinen satyp alynatyn jańa páterlerdi qaradyq. Kóshýge biraz ýaqyt qaldy. Bolashaq qonys ıelerine baqyt tileımiz!», dep jazdy Baqytjan Saǵyntaev.
Jańa úı de Jetisý aýdanynda ornalasqan.
Buǵan deıin ákim Jetisý aýdanyndaǵy turǵyn úıden shyqqan órttiń sebepterin anyqtaýdy tapsyrǵan bolatyn.
Eske salaıyq, 13 tamyz kúni Almatyda 1943 jyly salynǵan eki qabatty úı órtenip, tórt adam qutqarylǵan edi.
