Koronavırýs ınfeksııasynyń odan ári taralýynyń aldyn alý maqsatynda:
- oqýshylar, muǵalimder, sonymen qatar basqa da qyzmetkerler mindetti túrde maska taǵýy qajet;
- synyptarda úı-jaılardy jınaý jáne dezınfeksııalaý jıiligi artady;
- sabaq arasyndaǵy úzilister ár býyn (tómengi, ortańǵy, joǵary synyptar) úshin ártúrli ýaqytta bolýy tıis;
- zerthanalyq, tájirıbelik sabaqtardan basqa pánder boıynsha kabınettik júıe qoldanylmaıdy;
- ashanalarda aýa resırkýlıatorlary ornatylyp, tamaqtanýdy uıymdastyrý isine baqylaý kúsheıtildi.
Memleket basshysynyń tapsyrmasy boıynsha jańa oqý jyly dástúrli formatta ótetindikten qyzmetkerler mektep ǵımaratyna «ASHYQ» júıesimen ıaǵnı QR kod skanerleý arqyly kiredi. Mekteptiń kireberis jerinde kún saıyn pedagogter, qyzmetkerler men oqýshylar úshin ǵımaratqa «kirý súzgisi» júrgiziledi. Búgingi kúni sanıtaızerler, antıseptıkter, jýǵysh jáne dezınfeksııalaıtyn quraldardyń jetkilikti qory jasaqtalǵan. Sol sııaqty elordalyq mektepter bakterısıdti shamdarmen qamtamasyz etilgen. Áleýmettik qashyqtyqty saqtaý boıynsha belgiler men kórsetkishter ornatyldy.
«Odan bólek, muǵalimder men oqý oryndarynyń qyzmetkerlerin arasynda jappaı vaksınasııalaýdyń mańyzdylyǵyn erekshe atap ótken jón. Búginde elordada pedagogtardyń 99%-y (16 myńnan astam) jáne tehnıkalyq personaldyń 97%-y (5 myńǵa jýyq) vaksınasııalandy», dep jazady Sanıtarııalyq-epıdemıologııalyq baqylaý komıteti.
