Álem • 26 Tamyz, 2021

Álemdegi epıdahýal qandaı?

33 ret kórsetildi

Egemen.kz 26 tamyzdaǵy álemdegi epıdemıologııalyq jaǵdaıǵa sholý jasady.

Amerıka Qurama Shtattarynda COVID-19 ınfeksııasyna shaldyqqandar jáne jaǵdaıy aýyr  naýqastar sanynyń kúrt ósýi baıqaldy. Tamyz aıynda aýrýhanaǵa jatqyzý sany eki ese ósti.  Pasıentter sany 100 517-ge jetti, 1 tamyzda bul kórsetkish  53 529 shamasynda edi. Eldegi eń joǵary vırýs juqtyrý kórsetkishi 14 qańtarda - 142 229 adam tirkeldi. AQSh-tyń keıbir shtattaryndaǵy aýrýhanalardyń júktemesi tolyq. Djordjııa, Kentýkkı, Tennessı jáne Aıdaho qosymsha qyzmetkerler men resýrstar suratyp otyr. Vırýs juqtyrǵandardyń arasynda vaksınasııalanbaǵan azamattardyń sany kóp, sondaı-aq balalar da bar

Latvııa bıligi koronavırýs ınfeksııasynyń kóbeıýi týraly habarlady. COVID-19 aýrýynyń ortasha eki aptalyq kórsetkishi 100 000 turǵynǵa shaqqanda 100 shekti kórsetkishke jaqyndady. Sońǵy kúnderi jaǵdaılardyń kúrt nasharlaǵany baıqalady. 24 tamyzda 12 453 synaqtyń 249-y oń nátıje kórsetti. Aýrýhanaǵa jatqyzý, tıisinshe ólim-jitim sany artty. SARS-CoV-2 vırýsynyń qurbandarynyń jalpy sany 2 570 adamdy quraıdy.

Avstralııada ótken táýlikte pandemııa bastalǵannan beri alǵash ret myńnan astam jańa tıptegi koronavırýs juqtyrǵandar anyqtaldy, dep habarlaıdy Densaýlyq saqtaý mınıstrligi. Avstralııa aýmaǵynda 25 tamyzda SARS-CoV-2 juqtyrýdyń 1123 jaǵdaıy rastaldy. Onyń 1029-y Jańa Ońtústik Ýels shtatyna tıesili. Taǵy 80 jaǵdaı Vıktorııa shtatynda, qalǵan 14-i Avstralııanyń astanalyq aımaǵynda tirkeldi.

Brazılııada koronavırýstyq ınfeksııaǵa qarsy vaksınanyń úshinshi ıneksııasy qyrkúıektiń ekinshi jartysynda bastalady, dep habarlady Brazılııa Densaýlyq saqtaý mınıstrligi. Vedomstvo málimdemesinde býsterlik dozalardy bólýdegi basymdyq ımmýnıteti álsiregen adamdarǵa beriletini habarlandy. Úshinshi COVID-19 vaksınasııasyn olar ekinshi ıneksııadan 28 kún ótken soń jasaı alady.

Bul týraly COVID-19 taralýyna jol bermeý jónindegi VAK habarlady.

Sońǵy jańalyqtar

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar