«Preparattyń buǵan deıin shyǵarylǵan «EpıVakKoronadan» aıtarlyqtaı aıyrmashylyǵy joq. Vaksınalar ózara tek óndiris tehnologııasymen ǵana erekshelenedi», dedi «Vektor» ortalyǵynyń basshysy Rınat Maksıýtov.
Ol vaksınanyń jańa nusqasy aýqymdy óndiriske múmkindik beretinin málim etti.
Reseıde vırýs juqtyrǵandardyń sany kún saıyn artyp keledi. Bir táýlik ishinde 18 883 adamnan vırýs anyqtaldy. Bılik 1 qyrkúıekke qaraı keıbir aımaqta shekteýlerdi jeńildetýge nıetti.
Máskeý meriniń málimdeýinshe, mektep dırektoraty ruqsat berse, muǵalimderdiń sabaqta maska taqpaýyna bolady. Alaıda, sarapshylar Reseıdegi vaksınasııanyń qazirgi qarqyny kúzge deıin ujymdyq ımmýnıtetti qalyptastyrýǵa jetkiliksiz ekenin aıtady.
