Úkimet • 27 Tamyz, 2021

Jambyldaǵy jarylystyń zardabyn Úkimet komıssııasy anyqtaıdy

320 ret

kórsetildi

1 mın

oqý úshin

Memleket basshysy Qasym-Jomart Toqaevtyń tapsyrmasy aıasynda QR Premer-Mınıstri Asqar Mamınniń ókimimen 26 tamyzda Jambyl oblysynyń Baızaq aýdanyndaǵy oq-dári qoımasynda oryn alǵan órt pen jarylys saldaryn joıý jónindegi Úkimet komıssııasy quryldy, dep jazady Egemen.kz vedomstvo saıtyna silteme jasap.

Ásel SARQYT

Jambyldaǵy jarylystyń zardabyn Úkimet komıssııasy anyqtaıdy

QR Premer-Mınıstriniń orynbasary Roman Sklıardyń tóraǵalyǵymen komıssııa quramyna Jambyl oblysynyń ákimi Berdibek Saparbaev, Qorǵanys mınıstri Nurlan Ermekbaev, Tótenshe jaǵdaılar mınıstri Iýrıı Ilın, Ishki ister mınıstriniń orynbasary Murat Baımuqashev, Eńbek jáne halyqty áleýmettik qorǵaý, Densaýlyq saqtaý, Indýstrııa jáne ınfraqurylymdyq damý jáne basqa da ortalyq memlekettik organdardyń vıse-mınıstrleri kirdi.

Komıssııa mindetine zalaldy baǵalaý jáne órt pen jarylys saldaryn joıý, zaqymdalǵan ınfraqurylymdy qalpyna keltirý, sondaı-aq zardap shekkenderge áleýmettik qoldaý kórsetý sharalary kiredi.