«Jambyl oblysy Baızaq aýdanyndaǵy adam ólimine ákep soqtyrǵan qaıǵyly oqıǵaǵa baılanysty 29 tamyzdy Jalpyulttyq aza tutý kúni dep jarııalaımyn. Qaza bolǵan áskerı qyzmetshiler men qutqarýshylar eren erlik pen naǵyz janqııarlyq kórsetti. Erlerimizdiń esimi el jadynda máńgi saqtalady», dep jazdy Qasym-Jomart Toqaev Twitter-de.
Eske sala ketsek, 2021 jyldyń 26 tamyzynda saǵat 19:00 shamasynda Jambyl oblysy Baızaq aýdanynda ornalasqan áskerı bólimde ınjenerlik oq-dáriler qoımasynda órt shyqqan. Sońǵy málimetter boıynsha, qaıǵyly oqıǵada 12 adam qaıtys bolyp, 98 adam jaraqat aldy. Joǵalǵandardy izdeý jumystary jalǵasýda.
