Almaty oblysy ákiminiń baspasóz qyzmeti habarlaǵandaı, qoldanystaǵy mektep 2020 jyldyń jeltoqsan aıynda apatty dep tanylǵan. 120 orynǵa arnalǵan jańa ǵımarat qurylysyn "Nur-Shapaǵat Qurylys" JShS júrgizdi. 2 jylǵa kepildikpen salynǵan bilim oshaǵy barlyq materıaldyq-tehnıkalyq jabdyqpen qamtylǵan. Jalpy aýdany 2736,84 sharshy metrdi quraıtyn ǵımaratta 126 oqýshyǵa 28 ustaz sabaq beredi.
Aýdan ákimi Talǵat О́mirálıev jerlesterin Konstıtýsııa kúnimen quttyqtaı otyryp, óńirdegi bilim salasynyń damýyna toqtaldy.
«Jyl saıyn aýdandy kezek-kezegimen 2-3 mektepten jańartyp otyrmyz. Bıylǵy jyly ǵana 2 jańa mektep salynýda. Keıbir bilim ǵımarattarynda kúrdeli jóndeý jumystary júrgizilgen. Jańa mekteptiń kiltin tabystaý mereıli merekemen tuspa-tus keldi. Bul - barlyǵymyz úshin qýanyshty jańalyq. Jınalǵan qaýymdy Konstıtýsııa kúnimen jáne kele jatqan Bilim kúni merekesimen quttyqtaımyn», dep atap ótti aýdan basshysy.
Aıta keteıik, Panfılov aýdanynda shet eldi mekenderdegi mektepter de jańalaýdan ótip jatyr. Qazirgi ýaqytta Basqunshy aýylyndaǵy 300 oryndy jáne Qorǵas aýylyndaǵy orta mektepterge kúrdeli jóndeý bastaldy. Sondaı-aq, oblys bıýdjetinen Kishi shyǵan aýylyndaǵy mekteptiń jóndeý jumystarynyń jobalyq-smetalyq qujattamasyna qarajat bólinip, konkýrs jarııalandy. Kelesi jyly eki mektep kúrdeli jóndeýden ótedi dep josparlanǵan. Aýdan mektepterinde 27100 oqýshy bilim alady.
Eske salsaq, Almaty oblysynda bıyl 33 mektep salynyp jatyr. Bıyl onyń toǵyzy jáne bir qosymsha ǵımarat qoldanysqa beriledi. Onyń ishinde 1 qyrkúıek kúni Qarasaı, Ile, Eskeldi jáne Panfılov aýdanynda 6 jańa mekteptiń kilti tabystalady. Odan bólek 3 jeke mektep qoldanysqa beriledi dep josparanǵan. Onyń ekeýi Bilim kúni esigin aıqara ashady.
