«Oqý jylynyń oflaın formatta bastalýyna jáne demalys maýsymynyń aıaqtalýyna baılanysty joldardaǵy trafık artady. Turǵyndardan qozǵalys baǵytyn aldyn ala josparlaýdy suraımyz.
Qala turǵyndaryna yńǵaıly bolý úshin avtobýstar sanyn kóbeıttik – kún saıyn jelige 850-den astam qoǵamdyq kólik shyǵady. Qozǵalys kestesin ońtaılandyryp, jańa baǵyttardy iske qostyq. Mysaly, №30 baǵdar «О́ndiris» eldi mekenindegi qoǵamdyq kólik jumysyn jaqsartý úshin iske qosyldy, ol Daýylpaz kóshesindegi №92 mektep-lıseıdi (B.Momyshuly dańǵyly) jáne «Zelenyı kvartal» TK aýdanyndaǵy jańa mektepti qamtıdy.
№4, 7, 17, 21, 23, 25, 40, 41, 48 marshrýttarynda jyljymaly quram aıtarlyqtaı jańartyldy. Tek osy jyldyń ózinde qosymsha 6 ýchaskede avtobýs jolaǵy engizildi. Joǵaryda atalǵan barlyq sharalar avtobýstardyń kútý aralyǵyn jáne jol júrý ýaqytyn qysqartýǵa múmkindik beredi.
Esterińizde bolsa, 2020 jyldyń naýryz aıynan bastap kámeletke tolmaǵandarǵa tegin jol júrý engizilgen. Tipti karantın jylyn eskersek, osy jyldyń 8 aıynda ǵana balalar 8 mln 300 myńnan astam sapar jasaǵan. Mektepten basqa oqýshylar ártúrli úıirmeler men seksııalarǵa qatysyp, qurdastarymen kezdesetinin eskersek, bul shara otbasylar úshin aıtarlyqtaı qoldaý bolyp sanalady dep oılaımyn. Ásirese bir úıde birneshe bala bolsa. Kámeletke tolmaǵandar úshin jol júrý tegin», dep jazdy elorda ákimi.
